影片
更多
2016-06-11
1072 瀏覽
因為有朋友同我哋推介呢間新開的西式餐廳，所以我哋就黎左呢度試下，位置好方便地鐵站上行左唔夠幾分鐘就到。餐廳嘅氣氛好好，裝修比較復古，不難發現好多好有特色嘅裝飾品，雖然比較細間，但係位置同位置之間都好有空間感，坐得好自在。食物選擇方面都比較多，可以單點同有兩種dinner dinner set選擇Pom’s special（大概二百蚊左右）同dinner set（一百多左右）， 而其他的單點食物都可以改套餐。我地兩個人叫左一個Pom’s special SET – 紐西蘭羊鞍排伴雜菜醬配燒薯， 同埋一個番茄焗牛尾千層麵．個set包佐雙色芝士焗鮮蠔，蒜蓉包，餐湯（今日係義大利雜菜湯），甜品（我地簡左藍莓cheese cake）同餐飲．首先係義大利雜菜湯，餐湯分量雖然５算大，但勝在材料足，啖啖都系料，佢仲貼心咁比左2塊蒜蓉包我地（可能個個都有2塊），一開始已經印象唔錯而最令人驚喜ge就系個前菜－雙色芝士焗鮮蠔，芝士味好重，而且仲有兩種芝士既唔同層次，但係又唔會蓋過焗鮮蠔嘅鮮味。跟住就到主菜紐西蘭羊鞍排伴雜菜醬配燒薯，個羊鞍唔錯，最特別嘅係佢嘅雜菜醬，呢個配搭令件事變得fresh好多，中和左肉
餐廳嘅氣氛好好，裝修比較復古，不難發現好多好有特色嘅裝飾品，雖然比較細間，但係位置同位置之間都好有空間感，坐得好自在。食物選擇方面都比較多，可以單點同有兩種dinner dinner set選擇Pom’s special（大概二百蚊左右）同dinner set（一百多左右）， 而其他的單點食物都可以改套餐。
我地兩個人叫左一個Pom’s special SET – 紐西蘭羊鞍排伴雜菜醬配燒薯， 同埋一個番茄焗牛尾千層麵．個set包佐雙色芝士焗鮮蠔，蒜蓉包，餐湯（今日係義大利雜菜湯），甜品（我地簡左藍莓cheese cake）同餐飲．
首先係義大利雜菜湯，餐湯分量雖然５算大，但勝在材料足，啖啖都系料，佢仲貼心咁比左2塊蒜蓉包我地（可能個個都有2塊），一開始已經印象唔錯
而最令人驚喜ge就系個前菜－雙色芝士焗鮮蠔，芝士味好重，而且仲有兩種芝士既唔同層次，但係又唔會蓋過焗鮮蠔嘅鮮味。
跟住就到主菜紐西蘭羊鞍排伴雜菜醬配燒薯，個羊鞍唔錯，最特別嘅係佢嘅雜菜醬，呢個配搭令件事變得fresh好多，中和左肉嘅油利感，美中不足系邊位可能因為overcook 有少少儂， 可能因為我哋叫咗七成熟既關係，但整體嚟講 佢個配搭都難忘，因為我味試過咁新鮮的配搭。
因為本人都幾中意食千層麵，所以都點左個番茄焗牛尾千層麵，而呢個千層麵都好高水準， 醬汁煮得好 濃，牛尾都好淋，入口充滿番茄同牛尾既香氣，值得推介。
藍莓cheese cake
79 瀏覽
0 讚好
0 留言
飲品就揀左紅莓汁 但係就比較甜。
下次有機會會再同朋友黎試多次睇下有咩驚喜，支持新開的小店。
張貼
