大笪地火鍋 (已結業)

琴晚一家大細過去試下最近好出名嘅 大笪地火鍋，因為訂咗位，到步等咗一等就有位。坐底第一時間叫咗個花膠雞煲湯底，再睇下有咩食；脆骨腩，脆鯇片，鱔片，牛肉，鴕鳥肉，炸支竹，炸魚皮，娃娃菜，小唐菜等湯底，嘢食都好快就送上，轉眼間就已經成枱嘢食。食物質素高，連十分有要求嘅二寶都話 d 骨腩等食落有味道。環境方面，店舖地方/餐具乾淨，高風期冷氣不足。因為裝修，湯底，食物及嘢飲都同同區另一間火鍋店相似，心裡都會同佢比一比較，結論：兩間店舖係好似，價錢都差唔多，各有特色。不過個人會比少1-2分 大笪地，因為另外果間，人地一上個湯底，會同我地講句可以先食雞，飲咗 d湯先再加湯火鍋。大笪地就輸咗呢少少。