富粥 (已結業)

咁啱揸車去土瓜灣果頭，於是就順便試試「富粥」。即拉叉燒腸粉由於比較夜去所以當時客人唔多，落咗單後見到老闆即時入廚房開爐整腸粉，所以真喺新鮮滾熱辣咁整好。腸粉厚度適中，無偷工減料整到薄切切咁，所以食落好有口感。唯一可惜嘅喺叉燒比較小，比較鍾意食多料嘅腸粉，因為食落口會更豐富。由於今次喺外賣拎走，所以外賣盒內嘅水蒸汽或多或少會影響到腸粉嘅味道。所以建議大家都喺堂食好過。即炒豉油皇炒麵雖然喺外賣拎走，不過喺一路行一路食，所以無俾水蒸汽影響到。呢道嘅炒麵鑊氣差d，炒麵唔夠乾身。不過調味好好唔會太鹹。地點唔太好搵，如果唔喺經過附近都唔會專登過嚟食。