品嚐雞煲火鍋 (已結業)

一品荃灣眾安街老店未發圍我已經開始食，佢其他分店就真係無眾安街咁好，我好鐘意佢既奇妙麻辣味，如果你都係咁上下口味既話咁呢間就啱哂你喇。呢間味道同一品系列的好類近，都係有麻辣和奇妙雞煲既風味。我個人認為真係好好味~~先講隻雞既大細，係雞仔嚟既，因為雞仔所以都會比較嫩，所以如果你嫌人地細隻都要講下道理。大隻雞就真係無咁滑。兩個人食一隻我認為好OK。啤酒汽水價錢合理，其他火鍋食品都新鮮唔差。唯一缺點就係地理位置，行路比較難搵，揸車附近又唔知泊邊度好。不過見佢生意都真係麻麻地，所以特意寫下食評希望佢唔好咁快執笠啦。唉，搵到又要比人加租，搵唔到又經營唔到落去，香港食肆，加油呀！