影片
更多
2021-03-04
3846 瀏覽
行街經過見到有滷水湯底既車仔麵有啲特別就入左去一試! 位置位於太子地鐵站行5分鐘左右地方尚算方便不過佢由舊舖搬咗去對面嘅新舖，本來係界限街27號搬咗去對面界限街34號。新鋪裝修比較大光猛，門口有溫度測量計！員工比較有禮貌落單快，招呼尚算好，我哋叫左個2餸：豬腸同豬肚，米粉（牛腩湯底）同一碗豬什粗麵 (滷水湯底）。可選多蔥或多芫荽唔鍾意芫荽嘅朋友亦可走芫荽，滷水湯底香濃入味，豬肚比較爽口，豬腸大件入味，蘿蔔煮得夠淋入味無渣，兩碗車仔麵都好足料，食完晒碗麵都仲有餸淨而家喺香港都好少見到，不過飲品比較少只有豆漿汽水同綠茶，無茶餐廳嘅凍檸茶或凍奶茶選擇，出菜時間都比較快大約5分鐘左右就可以品嘗到美食如果趕時間嘅你就係一個最好嘅選擇，門口有車位可以暫時停泊外賣朋友不用擔心抄牌問題！揸電單車嘅朋友更加可以連群結隊擺喺門口入去試一試！值得一試！
222 瀏覽
1 讚好
0 留言
張貼
