Shine (已結業)

北海道帶子明太子意粉(配三文魚籽)$228帶子外表金黃香口，食落爽口，嫩滑鮮味，意粉軟硬適中又creamy，胡椒味微辣，粒粒明太子喺口裡面爆珠，甜甜哋。特級安格斯漢堡配脆炸薯條$198有大啡菇、煙肉、大大塊漢堡扒、洋蔥圈、沙律菜同番茄，淋上香濃嘅芝士汁。大啡菇juicy，菇味濃郁，漢堡扒厚實，外皮焦香可口，七成熟，口感ok，味道適中😋配埋薯條🍟一齊食，都真係好飽下😆熱情果檸檬梳打$58酸酸哋，夠汽fresh又解膩。熱情果爆珠嘅口感，有種酸爽既感覺🤣🤣🤣Mr. Cool$68係荔枝、薄荷葉同薑汁汽水。荔枝清甜，薄荷味好出，反而薑汁味就唔算太突出！SHINE Secret $128甜品款式會定期轉，今日就係香橙朱古力芝士蛋糕。係連皮嘅香橙同cream cheese一齊打到非常幼滑，食落口感軟滑到不得了，而且橙味超出！中間仲夾咗一層74%嘅朱古力但唔會覺得苦。成個配搭fresh得黎又creamy😌配埋杏仁味超出嘅開心果味同原味馬卡龍，仲有brownie、士多啤梨同好甜嘅藍莓🫐非常滿足🤣