桜

營業中

休息中

咁多年壽司外賣都係食X洋市場嗰間，以前有優惠儲印仔有嘢食送，計落價錢都幾抵，而且質素唔差，之後冇咗優惠價錢仲越加越貴，早排食過一次真係覺得要搵第二間試吓。搵咗幾間後尾就試呢間桜Sakura，經foodpanda訂有折，見佢都開咗一段時間不過一路都冇試過，佢剩係得手卷、丼飯、小食同炸物，主打係手卷，小食同炸物款式就唔係太多，今次試咗炸魷魚鬚、三文魚手卷、鰻魚手卷、海膽魷魚手卷、蟹子沙律手卷、火灸帶子手卷、炸蝦手卷同芥辣八爪魚手卷。魷魚酥有驚喜，份量足而且炸得好好食，老公話鰻魚手卷好食，海膽魷魚手卷就冇乜特別，下次唔會叫因為價錢比較貴少少，其他樣様都幾好食，埋單唔貴性價比高，其實手卷同壽司都差唔多，只係手卷要自己卷。