SP Flower & Tea Room (太古城中心) (已結業)

一般tea set都係出現酒店或某些有靚裝同靚景嘅餐廳，SP Flower & Tea room雖然冇呢個賣点，但佢哋價錢真係較為親民，經openrice更有特價，2人同行都係$338， 再加10%服務費。Tea set有八件，5款甜点和3款咸点，更有一份飲品，打咭嘅當然識点花茶，大大壺花茶，仲可以加水，真係可以再坐一回。Tea set個托盤很古色古香，加埋花茶，很是清幽風雅。咸点有迷你漢堡，煙三文魚撻，西班牙火腿蝴蝶酥。甜点有兩件小蛋糕，雖然唔知係咩名堂，有花形，有啫喱在上面，但幾得意。因為綠茶控関係，所以最欣賞件綠茶草餅，味道非常好，仲有脆米在內，咬到卜卜聲。最後仲有件有cream嘅蛋糕同杯啫喱。份量不多，但勝在跟朋友聚聚，有得坐，有得傾，有得食，仲有得打咭，真係非常好的一次。