和花亭壽司 (已結業)

除夕夜同班朋友去呢度食晚飯。我叫好多款壽司，每款壽司都好新鮮同鮮味。我就特別鍾意帶子壽司同玉子壽司。除此之外，和花亭卷都好好味，裡面有炸蝦、芝士等。雖然有芝士，但塊芝士味道就好，唔會話搶成個壽司味道，淨係食到芝士味。另外，我特別鍾意佢師推介時段。佢推介時候，成個氣氛好熱鬧。我之前都去過尖沙咀分店，相較之下，我覺得尖沙咀分店環境比這間好。