沙士亞印度餐廳 (已結業)

　　今晚去大埔食飯，原本諗住食「咖喱屋」，點知去到時先發現佢已經執左！？咁冇計啦，去左斜對面既「沙士亞印度餐廳」，本身冇咩期望，但有驚喜喎！　　首先有個餐前薄餅，ｄ綠色既醬(唔知係薄荷定青咖喱)辣辣地幾醒胃。之後有個炸魚柳，好入味又夠香口，可以見到ｄ魚肉裡面都醃到變晒黃色，應該醃左好耐。　　另外仲叫左乾炒咖喱雜菜，不過呢個味道只屬一般。主菜有咖喱雞，咖喱羊，勁辣咖喱牛腩(不過我覺得只係小辣)，樣樣都幾好味，加上印尼烤餅／白飯非常配合。　　雖然呢到ｄ咖喱唔係話好特別，但o係大埔一間咁細既店舖可以食到咁ok既質素，已經係非常值得一讚！