影片
更多
2011-05-11
295 瀏覽
其實今餐係第二次去食, 不過今次係同老婆及佢D屋企人去食, 其實呢間舖正正坐落係我成日搭車的小巴總站隔離,成日經過見到轉左手做上海野都未幫襯過, 點知有次等車,見間舖出面等晒人,心諗係真唔係咁好食呀,咁就決定搵晚同老婆食番餐試下先!果次叫左回鍋肉, 同宮寶雞丁客飯另加炸雲呑, 個回鍋肉真係”讚”, 應該係我食過咁多間上海舖最好味, 佢D肉一D都唔肥, 唔同平時食襯都鬼死咁多肥肉痴住, 味度適中, 咸辣剛剛好! 至於宮寶雞丁的水準就一般啦! 但個炸雲吞就好好味, 佢唔係平時係酒樓飲茶食果種鮮蝦炸雲吞囉, 佢係圓圓地果種,炸起熱騰騰即食, 正到不得了! 另外係食野的時候聽到, 原來其他枱的食客都係返頭再食的, 所以老婆決定媽媽節, 搵埋佢屋企人一齊再食過!我地果日一行7個人, 叫左個6人套餐, 另加回鍋肉、賽螃蟹及小籠包兩籠, 個套餐都好低食, 有成條上甜酸黃花魚、砂碢雲吞雞、金華火腿津白、酸辣湯、三味拼盤(4餸揀3, 除左牛肉，我地揀左醉雞、燻魚、海埑)及豆沙碢餅 回鍋肉 – 上次食過超正, 我諗次次黎都會叫, 屋企人個個都話好味賽螃蟹 – 呢味餸其實我就麻麻地, 我拍太油膩 不過有人想
果次叫左回鍋肉, 同宮寶雞丁客飯另加炸雲呑, 個回鍋肉真係”讚”, 應該係我食過咁多間上海舖最好味, 佢D肉一D都唔肥, 唔同平時食襯都鬼死咁多肥肉痴住, 味度適中, 咸辣剛剛好! 至於宮寶雞丁的水準就一般啦! 但個炸雲吞就好好味, 佢唔係平時係酒樓飲茶食果種鮮蝦炸雲吞囉, 佢係圓圓地果種,炸起熱騰騰即食, 正到不得了! 另外係食野的時候聽到, 原來其他枱的食客都係返頭再食的, 所以老婆決定媽媽節, 搵埋佢屋企人一齊再食過!
我地果日一行7個人, 叫左個6人套餐, 另加回鍋肉、賽螃蟹及小籠包兩籠, 個套餐都好低食, 有成條上甜酸黃花魚、砂碢雲吞雞、金華火腿津白、酸辣湯、三味拼盤(4餸揀3, 除左牛肉，我地揀左醉雞、燻魚、海埑)及豆沙碢餅
回鍋肉 – 上次食過超正, 我諗次次黎都會叫, 屋企人個個都話好味
賽螃蟹 – 呢味餸其實我就麻麻地, 我拍太油膩 不過有人想食就照叫啦, 我食左少少試下個口感, D蛋白煮得幾嫩口, 味道唔多講太家都知咩味!
鮮肉小籠包 – 值得推介一下, 佢個包皮做得好薄, 雖然肉汁就唔太多, 無”頂太風”果D咁多汁, 不過都好好食! 聽講個小籠包師父係某酒樓集團D小籠包師父黎, 所以佢D小籠包有番咁上下質數!
甜酸黃花魚 – 成條炸起黃金色好靚, 食落好鬆化,沾埋D甜酸汁食好開胃!
砂碢雲吞雞 – 有半隻雞係碢入面, D雲呑細細粒, 都有十幾粒架, 個雞湯好好味!
金華火腿津白 – 個津白蒸得好淋, 切片的金華火腿放係面頭, 個津白好清甜, 個金華火腿都好夠未, 唯有不足就係津白個份量少左D,
酸辣湯 – 呢個酸辣湯真係要推介, 足料都不得了, 個味度更加無得頂, 至少我覺得佢係全大埔的上海酸辣湯之中, 最好飲果間!
三味拼盤 – 一個小小的冷盤, 醉雞、燻魚都好入味, 海埑夠爽口
豆沙碢餅 – 最後先上枱的, 果陣個個都食到個肚脹晒, 係佢地自家制, 售完即止, 個豆沙唔太甜, 做飯後甜品唔錯!
呢間舖雖然畀唔到好靚好舒適的環境你, 不過佢家庭式經營, 老闆娘好親切, 食物好好味就已經足夠啦!
張貼