影片
更多
2016-07-11
2170 瀏覽
星期五晚去開上環探朋友，朋友介紹左佢屋企樓下既拉麵店。一去到，岩岩有人走，所以可以直接入去坐。呢到拉麵有幾款，其實睇清d，係一樣，只係配料唔同，要唔要玉子，要咩肉，要咩配料，懶得選擇，就決定左要No.1拉麵，咩都有齊。呢款有肥瘦叉共4塊，有糖心蛋同3種配菜：木耳，蔥同酸菜（唔知係咩，因為其實無咩味）呢個湯底好濃味，食得出得煮出黎，唔係溝唔黎。個拉麵係白白地色個隻，比較林身，無咩口感。呢到既叉燒好好食，肥叉燒一層肥一層瘦甘，食落唔會好油，同埋肥叉有用火燒過，所以特別香口，唔肥膩。瘦叉都唔錯，唔會好乾身。一肥一瘦甘間住食，岩岩好。隻糖心蛋就普通d，個蛋黃唔夠流心，同埋唔太夠甜，好彩仲好滑。有3種配料令到食拉麵個時無甘齋，木耳切到細細條，可以增加食拉麵時既口感。唔夠配料，仲可以有任食既辣豆芽。好爽口，不過有少少辣，個辣味會影響個湯底，所以千其唔好直接加落碗麵到。雖然拉麵既質地我唔係特別鍾意，不過個湯底同配料都好正，朋友果然無介紹錯。（一路食既時候都見到好多人排隊等位，質素真係有番甘上下）
No.1拉麵
$98
123 瀏覽
1 讚好
0 留言
呢個湯底好濃味，食得出得煮出黎，唔係溝唔黎。個拉麵係白白地色個隻，比較林身，無咩口感。呢到既叉燒好好食，肥叉燒一層肥一層瘦甘，食落唔會好油，同埋肥叉有用火燒過，所以特別香口，唔肥膩。瘦叉都唔錯，唔會好乾身。一肥一瘦甘間住食，岩岩好。隻糖心蛋就普通d，個蛋黃唔夠流心，同埋唔太夠甜，好彩仲好滑。有3種配料令到食拉麵個時無甘齋，木耳切到細細條，可以增加食拉麵時既口感。唔夠配料，仲可以有任食既辣豆芽。好爽口，不過有少少辣，個辣味會影響個湯底，所以千其唔好直接加落碗麵到。
雖然拉麵既質地我唔係特別鍾意，不過個湯底同配料都好正，朋友果然無介紹錯。（一路食既時候都見到好多人排隊等位，質素真係有番甘上下）
張貼
