影片
更多
2019-11-06
217 瀏覽
今日慶祝周年紀念，費心思揾左間日本餐廳食omakase!!希望他會喜歡啦餐廳唔算大，約坐到8到10人，仲有一張4人檯。裝潢簡單但極有日本風味！師傅係正宗日本人，但放心，英文溝通無難度，每上新菜式師傅都會耐心講解，仲會教你食法！而且材料非常新鮮，對得起呢個價錢！前菜有八爪魚🐙、魚肝，魚肝竟然係酸甜開胃，十分好食！再黎兩款刺身，吞拿魚無根，抵讚！跟住係燒吞拿魚夾海胆，口感頂瓜瓜！鮑魚刺身加鮑魚肝醬，鮑魚彈牙加上第一次食鮑魚肝醬，味道難忘。重頭戲壽司上場，深海池魚，獅魚腩，池魚腩，爐魚，廣島蠔等(點解我會知咩壽司，因為師傅都識講少少廣東話 hahaahh)，每件壽司各有特色，配合唔到醬料，令你食上癮呢！不得了，仲有個海膽杯，足料又新鮮，魚子咸度剛好，回味無窮！仲有個特別魚湯，非常香濃，好似食緊魚👻最後甜品係北海道蜜瓜，甜到回心微笑。總括嚟講，貴得有理，一年一次，無所謂！老闆娘仲話到11月尾會有9折，想慶祝又有預算的話，不妨考慮吓！
今日慶祝周年紀念，費心思揾左間日本餐廳食omakase!!希望他會喜歡啦
餐廳唔算大，約坐到8到10人，仲有一張4人檯。
裝潢簡單但極有日本風味！
師傅係正宗日本人，但放心，英文溝通無難度，每上新菜式師傅都會耐心講解，仲會教你食法！
而且材料非常新鮮，對得起呢個價錢！
前菜有八爪魚🐙、魚肝，魚肝竟然係酸甜開胃，十分好食！再黎兩款刺身，吞拿魚無根，抵讚！
跟住係燒吞拿魚夾海胆，口感頂瓜瓜！鮑魚刺身加鮑魚肝醬，鮑魚彈牙加上第一次食鮑魚肝醬，味道難忘。
重頭戲壽司上場，深海池魚，獅魚腩，池魚腩，爐魚，廣島蠔等(點解我會知咩壽司，因為師傅都識講少少廣東話 hahaahh)，每件壽司各有特色，配合唔到醬料，令你食上癮呢！
不得了，仲有個海膽杯，足料又新鮮，魚子咸度剛好，回味無窮！仲有個特別魚湯，非常香濃，好似食緊魚👻
最後甜品係北海道蜜瓜，甜到回心微笑。
總括嚟講，貴得有理，一年一次，無所謂！老闆娘仲話到11月尾會有9折，想慶祝又有預算的話，不妨考慮吓！
0 瀏覽
0 讚好
0 留言
張貼
