德國餐廳 (已搬遷) 新店位置

我依D無飯煮婦，每日放工最傷腦筋就係諗食咩，今日反正要去接個fd收工就係個區食，邊行邊睇見到有優惠咪入去試吓， 睇完個menu見到德國豬手製作方法咁細心... 又話招牌菜就叫隻豬手，一份三文魚香草意粉，愛飲番杯嘅我又點會忍到唔飲啤酒食得德國菜就配番杯黑啤貪佢帶少少苦兼帶少少咖啡香味爽呀。個豬手一上枱就有陣陣香味撲入，影完相就即攞個皮嚟試一試，真係估唔到除咗脆之外又唔肥膩好似食緊薯片咁，再配埋佢哋個 芥末蜜糖醬甜甜的好野味，而個豬手肉係好軟淋淋，而個配菜薯仔沙律都相當唔錯，一啖豬手一啖酒簡直絕配，個香草三文魚意粉香草味濃唔會煮到好油當中仲有新鮮車厘茄帶少少酸酸甜甜都幾好，下次要試埋個德國腸仔同其他前菜。