皇茶冰室 (已結業)

今日嚟到荃灣區探朋友，朋友介紹佢話算係屋企附近抵食之選，當晚星期六天氣都開始回暖，周圍食店都圍著唔少人排隊，我地都唔例外大概等咗10分鐘左右先有位。由於我地得3個人，每人叫咗一款食物加杯飲品，平均$50左右。跟豬扒通粉個餐炒蛋一定要叫嚟食，真係炒得好勁滑。牛角酥要趁熱食朋友話純粹男人的浪漫，見佢食晒碟飯都應該知唔差。等咗好耐差唔多有15分鐘，其他野差唔多食晒先出場。不過絕對交足功課叉燒勁多勁厚，估到唔成碟米粉炒得好有鑊氣，係好好食！我反而想佢米粉多少少，叉燒實在太足料！一般通粉，朋友話件豬扒好正，我無試所以唔清楚。唔錯檸檬水夠大杯，檸檬份量又夠多夠新鮮，食完油膩野再飲返杯清清腸胃。