影片
更多
2024-11-01
3574 瀏覽
{喜聚任食雞煲 - $188}每一個活躍嘅Foodie 應該都睇過六哥推介嘅喜聚雞煲短片，但OpenRice 中大家對佢地嘅食物同服務態度都唔少劣評，本麻甩今次用試伏嘅心態挑戰，雖然見唔到六哥本尊，但值得為佢地平反呀！因為朋友唔食牛，我地叫咗最平嘅1號餐，原來已經超正，雞煲任食，而且我覺得個雞煲整體嚟講都幾好味，雞件滑滑，雞煲汁味道適中！當然如果可以辣啲仲好！但係任食任refill 雞嚟講嘅級數CP值超高！估佢唔到，每台都仲會有一碟海鮮拼盤，入面有花膠、鮮蝦、蜆、脆骨腩、蠔！雖然係送嘅，但係絕對沒有揸流攤，每一樣食材都新鮮好味彈牙！平時食完雞煲係打邊爐，估唔到今次一轉係蒸海鮮，呢個花膠海鮮蒸鍋唔惹少，每人一隻扇貝，又有花膠同埋墨魚仔！份量唔多，但係呢個價錢實在係大驚喜！最後先至係打邊爐，除咗豬同埋牛仲有牛舌任叫之外，出面攞到返嚟嘅丸全部都係高質，唔係嗰啲街市超平價質素。成晚店員服務其實都好好，態度亦都非常之唔錯，我覺得非常之值得為佢平反openrice 入面嘅指控！如果可以見到六哥更好！美味程度：😋😋😋😋環境指數：🎇🎇🎇🎇番食機會：🦍🦍🦍🦍
每一個活躍嘅Foodie 應該都睇過六哥推介嘅喜聚雞煲短片，但OpenRice 中大家對佢地嘅食物同服務態度都唔少劣評，本麻甩今次用試伏嘅心態挑戰，雖然見唔到六哥本尊，但值得為佢地平反呀！
因為朋友唔食牛，我地叫咗最平嘅1號餐，原來已經超正，雞煲任食，而且我覺得個雞煲整體嚟講都幾好味，雞件滑滑，雞煲汁味道適中！當然如果可以辣啲仲好！但係任食任refill 雞嚟講嘅級數CP值超高！
估佢唔到，每台都仲會有一碟海鮮拼盤，入面有花膠、鮮蝦、蜆、脆骨腩、蠔！雖然係送嘅，但係絕對沒有揸流攤，每一樣食材都新鮮好味彈牙！
平時食完雞煲係打邊爐，估唔到今次一轉係蒸海鮮，呢個花膠海鮮蒸鍋唔惹少，每人一隻扇貝，又有花膠同埋墨魚仔！份量唔多，但係呢個價錢實在係大驚喜！
最後先至係打邊爐，除咗豬同埋牛仲有牛舌任叫之外，出面攞到返嚟嘅丸全部都係高質，唔係嗰啲街市超平價質素。
成晚店員服務其實都好好，態度亦都非常之唔錯，我覺得非常之值得為佢平反openrice 入面嘅指控！如果可以見到六哥更好！
美味程度：😋😋😋😋
環境指數：🎇🎇🎇🎇
番食機會：🦍🦍🦍🦍
張貼
