丼瀛 (已結業)

店舖大約距離觀塘地鐵站十分鐘路程，穿過apm行幾步就到。海之幸丼，$178，舖頭叫得做丼瀛，相信呢味菜係呢度嘅主打菜。裏面配搭咗八款唔同嘅海鮮刺身，每款都好新鮮，特別欣賞油甘魚，好重油香，回味無窮。溫泉蛋松葉蟹肉椰菜沙律，$68，無論賣相定係味道都係清新嘅感覺，絕對係健康之選。清酒煮時令貝，$98，清酒嘅味道都唔會太搶，每一隻都大大件，另外仲配搭好多蔬菜配料，非常抵食。鍋燒烏冬，$98，配料有天婦羅炸蝦同埋唐揚炸雞，湯底係豬骨濃湯，配搭烏冬食落真係唔錯。