Bella Kitchen (已結業)

見openrice的食評不錯，於是約了朋友於平日去食lunch。沒訂位，仲怕要等，點知，成場只有小貓三四隻。論食物，薯蓉湯感覺足料稠濃，飲完已經有點飽。主菜叫咗煎三文魚，皮脆肉嫩，沒有過熟，配菜分量大，有一大份滑溜薯蓉，幾件烤過的甜椒，仲有兩片薄脆，雖然好味但我實在吃不完，相信男士也會夠飽。另外，此店似乎標榜健康食物，所以每天都有素食選擇？同行友人點了素菜意大利飯，我嘗了一口覺得也很好吃，飯粒是帶點硬那種，沒有煮成爛飯。包埋餐飲，我選的咖啡味道不錯。埋單才不過$100左右。由於無乜客，所以招呼頗周到，又坐得舒服，在銅鑼灣此區來說十分值得幫襯。