鐵板站

營業中

休息中

星期六晚帶咗個仔去跑馬地馬場打波，之後上Openrice 諗住係附近揾下有咩好野食，因為個仔話鐘意食西餐，我就揾到附近有間叫鐵板站扒房餐廳。初時見到食評，有一半比好亦有一半比差！本來諗緊去唔去好，但睇咗post 上嚟餐牌，D扒餐唔係貴，試咗唔好食，最多沒下次！跟往Google Map 揾，入到去係裝修比較殘舊，天花冷氣係有汚漬。但個waiter 好好招呼，睇到餐牌就四人分別叫咗一份西冷牛扒鐵板、一份什扒鐡板，（有豬、牛、雞扒、半條司華力腸& 一片煙肉）、一份龍脷魚柳鐵扳，可以跟飯、意粉或薯菜，再加一碟焗豬扒飯。餐湯有紅湯或白湯，都好夠熱，自己飲紅湯，D什菜都好足料。個仔都話白湯好味！加上牛油餐飽更正！主菜鐵板餐，有驚喜，好大份量，而肉質味道都唔錯。醬汁唔係自己落，份量剛好，太多自己反而蓋過肉味！最後凍檸茶，茶味啱啱好，唔太濃!餐廳不大，裝修殘舊，但味道，份量和價錢都超值，用餐中，見到聼到應該都係熟客，如果你要食裝修，就唔係你杯茶，我地一家大細，鍾意地道低食就好like! 四個人食咗$368，已經加一！最後補充係，每人喜好都唔一樣，唔好淨睇食評，想食就要去試下！