影片
更多
2013-11-17
3010 瀏覽
舊同事「探班」順便約埋一齊出去食飯，手指篤篤，篤中邊間就邊間佢想食泰國嘢，於是上ＯＲ揀「尖沙咀」「泰國菜」再是旦篤一個俾佢篤中ＮＡＲＡ ＴＨＡＩ，於是又有機會試嘢～去到爆場，要等，不過都好快就有位坐雖然本來有同事話好似麻麻，不過既然咁多人去，相信有一定水準泰式鳳爪沙律，怕辣嘅我食咗隻無乜汁嘅都要係咁飲嘢！生菜包有兩種，豬肉同鴨肉（定係鵝？）我哋就揀咗豬肉，味道不錯，不過我自己本身唔多好呢款菜式其中一樣最愛：炸蝦餅呢度嘅炸蝦餅幾好食！我自己食嘢鍾意唔點汁，佢蝦味夠哂～新鮮炸好熱辣辣，外脆內彈牙，正呀！同事們覺得佢個冬蔭公唔得，話唔正宗！又唔辣又唔酸…仲有啲蝦仔好似浸咗好耐咁…我自己就覺得好普通，好似「家庭煮婦煲嘅」咁？由於咖哩叫咗牛，所以串燒揀咗雞＆豬我個人覺得雞好食啲，香得泥夠滑，而豬就硬身啲，不過味道都唔錯～我之前應該未食過青咖哩？覺得佢個咖哩幾好食，牛腩亦好稔，而且份量一啲都唔少，好多肉！咖哩汁有椰香，好滑、好夠味，點蒜茸包或薄餅都一流！蒜茸包還可以，覺得油重咗，令到點咖哩汁後會覺得「ＴＯＯ ＭＵＣＨ」，而且唔夠脆薄餅好好食，過咗陣仲覺得係脆邊，加上咖哩汁一齊食好正！本身諗住食咗咁
佢想食泰國嘢，於是上ＯＲ揀「尖沙咀」「泰國菜」再是旦篤一個
俾佢篤中ＮＡＲＡ ＴＨＡＩ，於是又有機會試嘢～
去到爆場，要等，不過都好快就有位坐雖然本來有同事話好似麻麻，不過既然咁多人去，相信有一定水準
泰式鳳爪沙律，怕辣嘅我食咗隻無乜汁嘅都要係咁飲嘢！
生菜包有兩種，豬肉同鴨肉（定係鵝？）我哋就揀咗豬肉，味道不錯，不過我自己本身唔多好呢款菜式
其中一樣最愛：炸蝦餅呢度嘅炸蝦餅幾好食！我自己食嘢鍾意唔點汁，佢蝦味夠哂～
新鮮炸好熱辣辣，外脆內彈牙，正呀！
同事們覺得佢個冬蔭公唔得，話唔正宗！又唔辣又唔酸…仲有啲蝦仔好似浸咗好耐咁…
我自己就覺得好普通，好似「家庭煮婦煲嘅」咁？
由於咖哩叫咗牛，所以串燒揀咗雞＆豬我個人覺得雞好食啲，香得泥夠滑，而豬就硬身啲，不過味道都唔錯～
我之前應該未食過青咖哩？覺得佢個咖哩幾好食，牛腩亦好稔，而且份量一啲都唔少，好多肉！
咖哩汁有椰香，好滑、好夠味，點蒜茸包或薄餅都一流！
蒜茸包還可以，覺得油重咗，令到點咖哩汁後會覺得「ＴＯＯ ＭＵＣＨ」，而且唔夠脆薄餅好好食，過咗陣仲覺得係脆邊，加上咖哩汁一齊食好正！
本身諗住食咗咁多肉就要食番多啲菜，點知個泰式炒通菜都好辣！（在我角度）不過好惹味，所以其實都幾好食～
張貼
