Summer & Autumn

營業中

休息中

下午入長洲散散心，經過呢間糖果色系的cafe，俾門口隻大聖誕老人同入面簡潔ge裝潢吸引左入去。店內5-6張枱，開放式廚房，諗好食咩後就自己去落單俾錢，比較自助。見店內menu已經有聖誕特色ge食物，就試杯黑糖姜母latte。唔會好甜，飲到尾仲有d粒粒姜粒，冬天飲真係唔錯。太肚餓未食lunch，叫左個奶油蒜香大蝦意粉。份量足，係我鍾意的意粉硬度，醬汁好惹味！食完坐左一陣又想試埋個包，叫左份烤布里芝士配蒜蓉包，蒜蓉好香，烤過ge布里芝士入面軟軟流心，搽住麵包食配搭唔錯！芝士出面一圈因為烤過幾脆口，成個都食得！見open kitchen前雪櫃有幾款唔同味道ge花果茶，仲有tiramisu同巴斯克蛋糕。但實在太飽，留少少遺憾，下次黎長洲再食過。cafe地理位置唔錯，落船後行5分鐘就到。係長洲行得耐入黎坐低飲杯野食件cake，同fd傾下計影下相，一個唔錯ge選擇。