法國飯店

營業中

休息中

一入門口,感覺已經好好,因為當日太熱, 所以無坐露天位。睇左十幾分鐘餐牌都未決定到食乜(因為樣樣都想食)，突然有一位應該係老闆娘o既女仕問我地係唔係唔知食乜好, 咁佢就介紹左個煙鰻魚仔, 之後唔知食咩生蠔好. 又有侍應逐樣介紹。最後order左四隻蠔, 煙三文魚凱撒沙律, 煙鰻魚仔, 忌廉湯, 燒鴨胸配胡椒汁, 同埋燒銀鱈魚。蠔好新鮮, 好香好有鮮味。煙鰻魚仔好特別, 味好濃好香, 爽口, 一咬落去就唧晒d魚油出黎, 不過怕肥就唔好食喇。鴨胸平時食開煙o既, 所以覺得今次呢個鴨o既香味特別重, 原汁原味。燒銀鱈魚亦非常甘香。份量方面都唔算少。環境唔嘈, 傾計一流。有機會一定會再去試埋其他野食。