影片
更多
2011-01-07
108 瀏覽
睇過電視節目『和味蘇』後慕名以來，知道會多人，所以六點鬆啲就到達，亦剛好有枱唔駛等！老遠已經見到呢個標記...嚟到至發現原來間舖咁鬼細，裡面得嗰三張枱，頂晒籠坐12人咁上下....，所以坐街機會絕大。坐低之後完全冇人招呼...，可能係準備晚飯市，我哋都唔理三七廿一，搵張枱自己坐低先，周圍望搵唔到嗰餐牌，原來好求其咁擺咗喺舖頭出面嗰地下度...講得慕名以來，咁就梗係叫食呢個出晒名嘅『咸蛋肉餅』同埋『口水雞』喇，雖然只係兩個人，但係遠道而來，所以叫多個『鮮帶子豆腐』。咸蛋肉餅：的確係好食嘅，女友就讚口不絕，我就冇乜驚喜，原因係我亞媽都可以煮到咁嘅水準，當然，一般飯店就冇呢度整得咁好食，唔鍾意食肥豬肉嘅朋友就差啲，因為肉餅有唔少肥豬肉，但冇咗呢啲肥豬肉又冇咁好食喎。口水雞：凍食，味道ok喇，都咪話唔辣，琴晚得十幾度，如果天口熱食呢味餸就合適啲。鮮帶子豆腐：亦都係ok，豆腐唔夠滑，但整體唔錯。總結：以晚飯嚟講算唔錯囉，起碼唔會食都一肚火，餸菜選擇唔多，食飯期間已經發覺有十幾廿人排緊隊，所以真係要早啲到。如果去開銅鑼灣、天后嗰邊，我應該再會幫親。有樣嘢要提下，就係嗰度清茶都冇杯，如果要飲就要俾錢
老遠已經見到呢個標記...
嚟到至發現原來間舖咁鬼細，裡面得嗰三張枱，頂晒籠坐12人咁上下....，所以坐街機會絕大。坐低之後完全冇人招呼...，可能係準備晚飯市，我哋都唔理三七廿一，搵張枱自己坐低先，周圍望搵唔到嗰餐牌，原來好求其咁擺咗喺舖頭出面嗰地下度...
講得慕名以來，咁就梗係叫食呢個出晒名嘅『咸蛋肉餅』同埋『口水雞』喇，雖然只係兩個人，但係遠道而來，所以叫多個『鮮帶子豆腐』。
咸蛋肉餅：的確係好食嘅，女友就讚口不絕，我就冇乜驚喜，原因係我亞媽都可以煮到咁嘅水準，當然，一般飯店就冇呢度整得咁好食，唔鍾意食肥豬肉嘅朋友就差啲，因為肉餅有唔少肥豬肉，但冇咗呢啲肥豬肉又冇咁好食喎。口水雞：凍食，味道ok喇，都咪話唔辣，琴晚得十幾度，如果天口熱食呢味餸就合適啲。
鮮帶子豆腐：亦都係ok，豆腐唔夠滑，但整體唔錯。
總結：以晚飯嚟講算唔錯囉，起碼唔會食都一肚火，餸菜選擇唔多，食飯期間已經發覺有十幾廿人排緊隊，所以真係要早啲到。如果去開銅鑼灣、天后嗰邊，我應該再會幫親。有樣嘢要提下，就係嗰度清茶都冇杯，如果要飲就要俾錢....
張貼
