九份•十分 (河畔花園) (已結業)

今日同朋友入沙田搵朋友，臨走前見到間九份十分，佢個名已經吸引左我，事緣我個人都幾中意去台灣，見未食晏又熱，就同朋友去呢間餐廳食午餐。因為今日太熱，一入去即刻睇飲品餐單。炎炎夏日之下，我地叫左個綜合水果茶。呢個水果茶有幾種水果，令我驚喜既係水果大部分都甜甜地，水果茶同茶融合埋一齊，酸酸甜甜，好開胃，食完飲佢就開胃，食飽飲佢就消滯。（好押韻😂因為係午餐時間，都餓餓地，所以叫左個紅燒牛肉麵（幼麵）。湯底夠濃味，個麵好足料，牛肉、牛腩都係大大舊，牛肉肉質都算鬆軟。紅蘿蔔、白蘿蔔、菜浸住係湯到所以都幾入味，我同朋友兩個share食，覺得岩岩好，唔會太多或太少。小食方面，叫左個老虎醬鴨舌，因為我本身都偏愛辣味，個鴨舌又香又辣，個辣味有小小後勁，肉質都屬於有嚼勁，如果中意食辣，呢個必叫！！第二道小菜我叫左個皮蛋豆腐!!呢碟皮蛋豆腐我要用軟嫩鮮滑來形容，我第一次食呢道菜，豆腐入口即化，真係好滑。皮蛋味較重，豆腐有香豆味，兩樣食材放埋一齊食落肚，冰冰涼涼，又係開胃小菜之選。 雖然食左好多小菜同飯面，但你知女人係有兩個胃嫁嘛，係餐單見到呢個茫果蜜糖磚塊已經好想食，點知甜品一來，同張相係一嫁，望見個甜品咁色