越華會海鮮館 (已結業)

有朋友仔黎香港玩，想食粵菜、海鮮，由於佢住銅鑼灣，所以揀左越華會。兩個女仔，好多餸都想食，叫左成5樣野，包括：馬拉炒通菜、炒蜆、松露口水雞、椒鹽九肚魚同炒麵。餸份量好足，加埋啤酒600幾蚊，少少貴，但價錢好合理。餸幾好味，除左炒通菜淡左少少。當中要讚下侍應哥哥姊姊，因為朋友仔係遊客，問題會比較多，但係佢地好耐好解答。本來我地想叫炒蟹，侍應哥哥答應幫我地揀隻最細既，不過細既稱左要700幾，價錢唔啱，我地最後無要，侍應哥哥完全無黑面，仲叫我地唔好介意，真係麻煩曬～總之，食得開心，會再去。