滿屋日本料理 (已結業)

之前有提過想生日食放題，於是同事就推薦滿屋。其實食過好幾間放題，滿屋算係值得一讚o既。座位唔算窄，落單準成度高。2個半鐘頭只漏一次單，值得比一個Like。稍嫌魚生種類少，但都好新鮮。幾力推介羊鞍，焗蠔，鹽燒海蝦。講真，好耐無食過好食o既羊鞍，滿屋算好有誠意，醃得好入味。另外推介芝士年糕，新鮮炸出o黎，熱騰騰的，食得好開心～ 結尾仲有得揀Movenpick 雪糕，有別於其他放題只有得揀Haagen Dasz。 總括嚟講，眾多放題餐廳中滿屋算係聯誼聚餐同吃貨o既一個好選擇。會再去！