濟州燒肉食堂

營業中

休息中

之前食過佢哋嘅午市套餐，已經覺得好抵食想搵日再encore平日放工時間嚟到成間鋪已坐滿晒人！今次就嚟試下佢哋嘅烤肉，結果一啲都唔失望。佢哋嘅肉質好新鮮，醃味又好，唔會太鹹，仲保留啲肉嘅原味。我哋只有兩個人，但都叫咗豬牛雞拼盤😉仲有燒牛肉飯！聽講濟州嘅豬肉好出色，叫咗濟州特色豬拼盤，入面有豬鞍豬頸肉等等，全部都好入味👍🏻仲有叫咗一條大牛骨，餐廳已經幫我哋切晒，非常方便燒！牛小排用濟州醬油醃味，燒起來有啲甜味😍我朋友鍾意食雞，所以就叫咗蘋果、梨汁雞肉，好鮮甜，肉質好嫩。當然，我哋仲叫咗燒牛肉飯，份量好大，夠三個人食，仲有蛋汁一齊食，好好味。見到佢哋有海鮮點，但係我哋又唔想剝蝦，所以就叫咗韓國鰻魚。我哋特別小心，因為之前燒鰻魚次次都黐住底，但今次竟然一啲唔黐底‼️‼️仲好新鮮，燒到金黃色，燒到差唔多九成熟啦，再加啲鰻魚汁，再燒一陣，外層脆脆地，有啲醬油味甜品方面💜朱古力棉花糖配上兒時小食朱古力威化餅，好得意，用竹籤燒溶朱古力棉花糖，放上威化餅，原來十分甜美，仲以為叫得太多嘢食怕食唔晒，但因為棉花糖配消化餅好好味不知不覺都食晒啦🤭🍹兩杯特飲，青檸梅子梳打同濟洲特飲，好解渴，非常適合燒烤後飲用👍🏻濟