影片
更多
2018-09-16
114 瀏覽
同舊同事食完晚餐，雖然好飽，但知道有另外2位朋友都係係尖沙咀果頭食緊野，於是決定下場，去搵食野，去肥仔街搵野食一定無死，厚福街不嬲有間好出名嘅甜品舖，叫甜蜜蜜甜品專門店，係你啦，俾選中嘅朋友，一於直落食甜品，繼續吹水！呢間甜品舖8點幾9點就己經有人排隊，好彩等陣一陣就已經有得入。我地叫左3樣野黎大家齊齊開心Share，面面俱圓、朱古力心太軟伴雪糕 同 芒果窩夫。朱古力心太軟做得非常出色，上檯果賣相本身都幾靚，搵枝叉吉下佢，係淋淋地，唔會好似有D餐廳咁實釘釘。切開心太軟果下，見到D朱古力醬慢慢咁流出黎，好療癒呀。食落口暖暖地，心太軟意外地無太甜，好食，真係做到外脆內軟！面面俱圓呢個甜品非常有趣，原來佢係椰奶糖水再配芋圓同湯圓，芋圓同湯圓煙煙靭靭，連埋椰子肉同糖水一齊食落肚，甜度剛好，暖暖地，暖胃又好食。芒果窩夫都係值得一讚嘅，好驚食到D硬到無倫嘅窩夫，乾啃超辛苦。呢間嘅窩夫做得非常好，外脆內軟，配上芒果同Cream食，又係一流享受。芒果簡得靚，超甜，而Cream嘅甜度亦都拿掐得好好，整體食起黎唔好過份地甜膩。 呢間甜品舖一見我地食哂D甜品就要我地埋單走人，不過舖仔細細無計，我地都明嘅。雖
呢間甜品舖8點幾9點就己經有人排隊，好彩等陣一陣就已經有得入。
我地叫左3樣野黎大家齊齊開心Share，面面俱圓、朱古力心太軟伴雪糕 同 芒果窩夫。
朱古力心太軟做得非常出色，上檯果賣相本身都幾靚，搵枝叉吉下佢，係淋淋地，唔會好似有D餐廳咁實釘釘。切開心太軟果下，見到D朱古力醬慢慢咁流出黎，好療癒呀。食落口暖暖地，心太軟意外地無太甜，好食，真係做到外脆內軟！
面面俱圓呢個甜品非常有趣，原來佢係椰奶糖水再配芋圓同湯圓，芋圓同湯圓煙煙靭靭，連埋椰子肉同糖水一齊食落肚，甜度剛好，暖暖地，暖胃又好食。
芒果窩夫都係值得一讚嘅，好驚食到D硬到無倫嘅窩夫，乾啃超辛苦。呢間嘅窩夫做得非常好，外脆內軟，配上芒果同Cream食，又係一流享受。芒果簡得靚，超甜，而Cream嘅甜度亦都拿掐得好好，整體食起黎唔好過份地甜膩。呢間甜品舖一見我地食哂D甜品就要我地埋單走人，不過舖仔細細無計，我地都明嘅。雖然趕，但係甜品係高質嘅，值得再戰。
張貼
