意粉狂熱 (皇室堡) (已結業)

之前食過一次，今晚同朋友聚會又嚟咗呢度，叫咗一個pizza、一個pasta、一個小食同兩杯嘢飲。嘢飲叫咗蘋果益力多同橙汁益力多。我杯蘋果汁同益力多幾夾，好滿意。上次食過芝士牛肝菌濃汁鮮製意粉覺得好好味，今次encore。朋友覺得個意粉al dente，我都認同意粉有咬口，配埋牛肝菌個汁好好味。雖然menu有一隻辣椒仔，但其實一啲都唔辣。之後嚟咗個豪華拼盤。個人比較鍾意雞翼同埋牛油果多士。本身想食年糕Pizza，但賣晒，所以轉左叫Margherita。新鮮熱辣好味，餅皮唔會太厚，芝士同蕃茄嘅味道好香。會再嚟過！仲想試其他款pasta！！