Gioia by Chi (已搬遷) 新店位置

食完午餐，又係甜品時間，今日去這間餅店，聽講開咗冇幾耐，早前看雜誌介紹過，所以專登走去幫襯。此店裝潢簡約清雅，感覺舒服。店員服務親切有禮貌，令人有賓至如歸嘅感覺。蛋糕、西餅賣相精緻，一看便有衝動想食。講回味道方面，今次買了兩款蛋糕，價錢大約三十幾元一件，由於味道好，正所謂物有所值，所一點也不覺貴。鮮果千層酥，面頭有多款生果，非常新鮮有果香，千層酥質感鬆化脆口，吉士餡料幼滑，略嫌味道偏甜，整體水準佳。紅桑莓芝士蛋糕，芝士味香濃幼滑，紅桑莓酸酸甜甜，中和芝士嘅油膩，兩者同食，味道好夾。對於這店，印象良好，我會再次幫襯，希望試試唔同嘅款式。