都會自助餐廳 (已結業)

家姐生日，佢話唔使食咁貴，但都唔想太求其，上網搵見到呢度做團購buffet，折左300鬆D，buffet黎講算好抵食，於是我地一家四口星期五晚就黎左試喇！當晚都有7成滿，侍應帶左我地去入面坐，位置同食物區都幾近，方便搵食一黎當然係食左冷盤先，生蠔係重點進攻！其餘仲有龍蝦仔、翡翠螺、青口、蝦.....當然少不了各款魚生、壽司、沙律，呢個價錢黎講選擇都算多架喇。食左幾輪冷盤，係時間進攻熱食！選擇算OK，比想像中多海鮮，蟶子、焗蠔、魚、花螺.....仲有幾其熱葷同飯麵咖哩，個人黎講都幾欣賞佢啲燒烤食物，好味，特別係菇同埋魷魚！之後飲多碗熱湯，好滿足其實已經食到8成飽，但需知道，食甜品係會有另一個胃XDDCake嘅選擇都正常，最最最期待就係MOVENPICK!!!!!! 成架Movenpick車有超過10款味，仲有好多toppings揀，自己整埋個waffle配個雪糕相信係最正嘅配搭，我地每人食左兩個，極級滿足總括黎講，我地4個都滿意今餐，性價比算高嘅buffet，300頭可以食到呢個質素應該係佢嘅selling point。下次會再黎