影片
更多
2022-10-09
1046 瀏覽
餐廳位於金鐘太古廣場地下四周食肆林立。餐廳內環境開陽內裏有波浪式卡位，令人感覺舒服。餐枱都係大理石裝飾。咁啱佢有set dinner所以就入去試下，金鐘嘅法式大餐係點樣。餐牌上明確寫出，$550包括餐湯、前菜、主菜、甜品仲有茶飲。龍蝦湯非常濃郁餐湯呈深褐色，湯面飄浮幾隻龍蝦。餐湯旁邊有法式麵包焗到好脆，仲有少少燶邊。乾食有少少苦澀，但沾上湯汁別有一番風味。麵包有少少出油建議用刀叉叉住嚟食會比較好。法式焗蝸牛用橄欖油同洋蔥去焗，好順利咁辟走蝸牛嘅腥味。蝸牛肉口感有少少似海鮮當中嘅蛤蜊。自己用手叉蝸牛肉出嚟嘅食法都好特別。食咗一陣先至知道原來可以要求侍應幫手將蝸牛肉拎出嚟。側邊嘅法式麵包可以用嚟沾蝸牛剩餘嘅醬汁，咬落去嗰陣時少少，脆硬有種食緊蒜蓉法包嘅感覺。我覺得麵包個份量比較多所以食咗一個之後都冇再繼續食落去。主菜我就選擇左三文魚，三文魚係煎既。但係魚皮同魚肉分開，魚皮係炸嘅。切開少少魚肉同魚皮沾上佢嘅法式伯納西醬。少少甜少少酸帶出左三文魚嘅海鮮鮮味。旁邊嘅蔬菜係用開水焯熟既甘筍。成碟菜冇太過花巧嘅裝飾。最後嘅甜品我選擇咗：雲呢拿雪糕配雜莓醬。雲呢拿雪糕係用香草籽製成，香草味非常濃郁口感
餐牌上明確寫出，$550包括餐湯、前菜、主菜、甜品仲有茶飲。
龍蝦湯非常濃郁餐湯呈深褐色，湯面飄浮幾隻龍蝦。餐湯旁邊有法式麵包焗到好脆，仲有少少燶邊。乾食有少少苦澀，但沾上湯汁別有一番風味。麵包有少少出油建議用刀叉叉住嚟食會比較好。
龍蝦湯加芝士脆條
15 瀏覽
0 讚好
0 留言
法式焗蝸牛用橄欖油同洋蔥去焗，好順利咁辟走蝸牛嘅腥味。蝸牛肉口感有少少似海鮮當中嘅蛤蜊。自己用手叉蝸牛肉出嚟嘅食法都好特別。食咗一陣先至知道原來可以要求侍應幫手將蝸牛肉拎出嚟。側邊嘅法式麵包可以用嚟沾蝸牛剩餘嘅醬汁，咬落去嗰陣時少少，脆硬有種食緊蒜蓉法包嘅感覺。我覺得麵包個份量比較多所以食咗一個之後都冇再繼續食落去。
主菜我就選擇左三文魚，三文魚係煎既。但係魚皮同魚肉分開，魚皮係炸嘅。切開少少魚肉同魚皮沾上佢嘅法式伯納西醬。少少甜少少酸帶出左三文魚嘅海鮮鮮味。旁邊嘅蔬菜係用開水焯熟既甘筍。成碟菜冇太過花巧嘅裝飾。
三文魚配伯納西醬
15 瀏覽
0 讚好
0 留言
最後嘅甜品我選擇咗：雲呢拿雪糕配雜莓醬。雲呢拿雪糕係用香草籽製成，香草味非常濃郁口感豐富奶滑。我心知可以見到一粒粒嘅香草籽。雜莓醬中有好多生果，酸酸甜甜既口感好消滯。
雲呢拿雪糕配雜莓醬
20 瀏覽
0 讚好
0 留言
最後嗰壺茶係餐廳獨有，我以為佢係會一杯咁樣上。點知佢係用茶壺去裝，旁邊仲有個玻璃杯比客人自己去斟茶。飲完呢一壺茶，成個晚餐就完美落幕。埋單包埋加一服務費：盛惠$605。算係個唔錯嘅法式大餐。
張貼
