新九記粥麵

營業中

休息中

今日第一次去食，抱住搏一搏心態去試，因為睇到open rice 有負評；不過冇令我失望。之前有人投訴話個粥杰撻撻同冇味，但我就好喜歡呢種軟綿綿嘅粥底，而且都有味（我唔知有冇味精），我叫双并滑牛同豬潤，都好食唔鞋唔硬。叫咗個淨雲吞，系我鍾意嘅細細粒，系細個時食過果種。味道不過不失，但如果可以加多啲大地魚就好。有人曾經話過服務員態度差，但今日個哥哥仔好有禮貌，多謝晒、唔該不停講，而且做嘢好快手；阿姐都好醒目，客人一走就清理枱面，保持地方乾淨，令食客食得安心又舒服。我一向好少寫食評，但今次體驗令我覺得店主有心改善，希望大家可以再次幫襯，比多次機會小店，可以繼續經營落去。