麺屋武蔵 (MOKO新世紀廣場) (已結業)

拉麵店真係越來越多，但好唔好食真試過先知。因為每人口味未必一樣。呢間係日本都幾出名，今日想食拉麵，就黎左呢間試下。蕃茄豚肉湯拉麵，個茄都算濃，但最出色係佢個豚肉，入味夠“林”，未致入口即溶，但啖啖肉味入口滲到成個口都係豬味，正。加上有my favor流心蛋，唔錯。朋友飲嘅菠蘿特飲（無影相），佢話有菠蘿喎，我呢個香橙特飲，有星星椰果，少冰唔太甜又唔太淡，ok嘅。胡蔴菠菜沙律，唉然係小食，但真係好少。個菜夠爽。 特別推介，特濃香菌拉麵-岩戶山，都ok。最敗筆係無流心蛋，無紫菜。因為白湯款拉麵先有紫菜，唔同款先可能有流心蛋。加配要加錢。好在無加，因為都夠飽了，當然加紫菜可以，不過加錢就唔抵囉