夏麵館 (已結業)

今日同媽媽去左銅鑼灣行街，行到好鬼攰，收獲亦好豐富，但係因為要等爸爸放工嘅關係，所以都係返屋企附近食飯! 其實知道東港城開左間夏麵館都一段時間，之前都去過荷里活同九龍灣間分店，最鍾意食佢嘅黃魚拉麵，今日既然同爸爸媽媽食飯，就一於食中餐啦，反正爸爸唔太like西餐同生冷野!去到門口，都有幾個人等緊位，啦啦聲拎張飛先，好在唔使等好耐，都只係等左3張枱啫~因為我已經行到好攰.....入到去坐低，非常滿意侍應即刻送上熱茶一杯，因為我口渴到死! 再睇下個餐牌，發現原來佢宜家有2人同3人套餐，而且個餐仲有好多野食，望到都流口水，我實在太肚餓啦!!!!最後決定食2人套餐，因為都好多野食，夠晒3個人食~頭盤：(可以揀2個)四喜烤夫 - 味道一般糖醋小排- 估唔到有咁多粒，我地每個人起碼食左5粒，超正~湯：三鮮豆腐羹雖然佢寫2位，但係係一窩上，每人可以飲2碗，份量都唔少小菜：賽螃蟹我嘅favourite，食左勁多，好香，加埋個醋一齊食味道好夾~炒麵/年糕：津白肉絲炒年糕個年糕有d硬，如果再諗d會好味d!!!甜品：侍應好好人，肯俾我地每款一碗不過我已經超飽，無位再食埋佢地，所以留返俾阿爸同阿媽食，佢地話都