千賀水產 (已結業)

為左同朋友聚下，決定提早食個聖誕大餐先今晚選擇了位於元朗既千賀水產任飲任食放題！準時七點去到，有兩小時任飲任食，一坐低店員就幫我地開爐，然後送上一盤海鮮，份量跟人頭而定，有鮑魚、海蝦、扇貝、蟶子等等可能店員一開始見到我雞手鴨腳唔識剪開海鮮，佢地會主動過黎幫手燒，呢點值得讚下！一開始都覺得以咁既價錢食到咁多海鮮都唔會有過高既期望，但相反海鮮都新鮮，用清酒去燒出鮮味，咁多樣海鮮我覺得鮑魚最正，口感爽又有鮮味！食完海鮮盤我地就寫紙追加其他食物，魚生壽司、天婦羅、串燒、佐酒小食咩都有，什至部份海鮮都可以追加！最值得推介係佢既炸物，有炸芝士年糕同炸紫芋薯波，呢兩樣好好食！另外海鮮我地仲追加左魷魚筒，都係好鮮甜。飲品選擇多，值得一提既係佢有一個暖櫃放紙包飲品，岩晒唔飲凍野既我，呢個行為好貼心食左個半小時雖然好飽但都仲有甜品要食！一入門口個陣已經發現佢有個甜品櫃同雪條櫃，雪條櫃既款式多到以為自己去左超市個雪櫃咁，有十多款既雪糕雪條任揀，甜品櫃就有布丁、啫喱、冰糖燕窩等等。下次一定再去幫襯呀！