影片
更多
2015-01-30
789 瀏覽
整個Facebook/飲食雜誌都在催谷這杯「魚魚乳酪」（叫慣左，不喜勿插）一直都好想試下，的確個樣（睇相）十分吸引。第一次去時7點幾到，店員話買飛等2個鐘再番去拎，心諗痴線，亦諗點解門口班人會咁得閒響道等2個鐘；第二次去大約6點，已有牌話賣晒，算，走！最後，其實都想放棄，不過S先生堅持想食，最後有日佢真係2點到去到買完先叫我出門口（家住尖沙咀，話咁快就到）😂我個人覺得呢間店其實幾有問題，我冇接觸過店員（買飛拎魚都唔係我）唔知禮貌如何，有4部機，都可以整咁耐？原因響邊？唔知同銅鑼燒接近既食物可以等咁耐，佢叫我地20分鐘後去拎，叫number又唔係順number叫咁比籌做乜？後來聽d number愈講愈唔對路一問之下先話而家下個到你？冇野呀嘛，不過算。差唔多3點已經堆滿人，聽到話果時買要等45分鐘，又唔係整咩都可以咁耐，仲咁好生意真係好彩。終於拎到勒，影左2張相望下杯乳酪（再望隔離唔知等到何年何月既人眼神）即刻開心番，點知一食落口😰首先，第一個感覺係-應該點食？如果我食晒d乳酪條魚點？乾哽？之前睇飲食男女話落到底，好多乳酪，但唔係，乳酪得3/2😒乳酪-冇奶果種，好似益力多味，好「希」好薄身
整個Facebook/飲食雜誌都在催谷這杯「魚魚乳酪」（叫慣左，不喜勿插）一直都好想試下，的確個樣（睇相）十分吸引。
第一次去時7點幾到，店員話買飛等2個鐘再番去拎，心諗痴線，亦諗點解門口班人會咁得閒響道等2個鐘；第二次去大約6點，已有牌話賣晒，算，走！
最後，其實都想放棄，不過S先生堅持想食，最後有日佢真係2點到去到買完先叫我出門口（家住尖沙咀，話咁快就到）😂我個人覺得呢間店其實幾有問題，我冇接觸過店員（買飛拎魚都唔係我）唔知禮貌如何，有4部機，都可以整咁耐？原因響邊？唔知同銅鑼燒接近既食物可以等咁耐，佢叫我地20分鐘後去拎，叫number又唔係順number叫咁比籌做乜？後來聽d number愈講愈唔對路一問之下先話而家下個到你？冇野呀嘛，不過算。
差唔多3點已經堆滿人，聽到話果時買要等45分鐘，又唔係整咩都可以咁耐，仲咁好生意真係好彩。
終於拎到勒，影左2張相望下杯乳酪（再望隔離唔知等到何年何月既人眼神）即刻開心番，點知一食落口😰
首先，第一個感覺係-應該點食？如果我食晒d乳酪條魚點？乾哽？之前睇飲食男女話落到底，好多乳酪，但唔係，乳酪得3/2😒
乳酪-冇奶果種，好似益力多味，好「希」好薄身；
朱古力得少少，不如唔好落啦😒
串生果同乳酪完全唔夾，係青提😟至於係咪跟番韓國一樣就唔知勒。
吉士-同朱古力一樣，一茶匙左右，落黎為乜？係咪好似落鹽咁吊味？
魚皮-呢個就真係好食，外脆內軟係真既，見到其他人話唔熟，我估係佢地亂整搏你唔會等2個鐘頭再換第二杯，我地好彩，正常熟👍有冇得平d買層皮，我過M記買杯雪糕自己加呢唔知？
我係唔會再番去食，食杯咁普通既乳酪，又要浪費我d時間（見到有人話等4個鐘都等😟韓國都飛到去食啦），又要比隔離鋪個4眼仔白眼😒唔知為乜😤
建議1）其實尖沙咀有唔使排隊都有得食，仲係韓國人開，自己搵下就會知👍
建議2）自己去買個紅豆/吉士銅鑼燒再加自己鐘意食既雪糕/乳酪
建議3（重點推介）叫男朋友/兵仔去買左先，2個鐘後施施然去食（邊個買埋比我都唔會去）就最好
張貼
