影片
更多
2018-07-22
181 瀏覽
港島區 銅鑼灣登龍街金朝陽中心又有新开嘅日本餐廳。 鍾意食高檔日本料理嘅朋友又拉咗我去試新嘢。餐廳位於 28樓， 一入店內有種神秘型格感覺，以黑色為主調包括餐具枱椅，牆壁天花地下，Menu 和裝飾品。 和店名一樣 -- Kuro -- 真正的黑色。 曾幾何時有一款電視型號賣點係- Kuro， 意思指屏幕可以顯示真正的黑色。 餐廳仲有戶外座位可以畀客人出外嘆下海景傾下偈，好relax. 睇番餐牌， 好多選擇，主要刺身，壽司，特式料理。 除了單點還有一款二人餐， 都包括唔少想試的菜式， 都不過800蚊。 輕炙帆立貝牛油果黑魚子做得好精巧嘅前菜， 黑魚子鹹鹹地很有魚油香， 配上清淡的牛油果， 也帶出帆立貝的鮮甜。 帆立貝很厚肉， 超級鮮甜， 絕對唔係普通的沙律前菜。(大藍洞)刺身拼盤 見到真身賣相極其吸引! 中间圓形玻璃球裝著藍色的豉油。 唔記得問店員點解會係藍色， 但係就有種煙燻嘅味道， 比較枱面提供的豉油此款較為淡身更加特別 。刺身包括:牡丹蝦，赤貝，三文魚，油甘魚，左口魚，赤身 。估計從逆時針方向味道就由淡至濃。每件刺身都厚切， 毫不掩飾它的橫切面。 先試吞拿魚赤身， 肉質柔軟而結實
港島區 銅鑼灣登龍街金朝陽中心又有新开嘅日本餐廳。 鍾意食高檔日本料理嘅朋友又拉咗我去試新嘢。餐廳位於 28樓， 一入店內有種神秘型格感覺，以黑色為主調包括餐具枱椅，牆壁天花地下，Menu 和裝飾品。 和店名一樣 -- Kuro -- 真正的黑色。 曾幾何時有一款電視型號賣點係- Kuro， 意思指屏幕可以顯示真正的黑色。 餐廳仲有戶外座位可以畀客人出外嘆下海景傾下偈，好relax.
睇番餐牌， 好多選擇，主要刺身，壽司，特式料理。 除了單點還有一款二人餐， 都包括唔少想試的菜式， 都不過800蚊。
輕炙帆立貝牛油果黑魚子
做得好精巧嘅前菜， 黑魚子鹹鹹地很有魚油香， 配上清淡的牛油果， 也帶出帆立貝的鮮甜。 帆立貝很厚肉， 超級鮮甜， 絕對唔係普通的沙律前菜。
(大藍洞)刺身拼盤
13 瀏覽
0 讚好
0 留言
見到真身賣相極其吸引! 中间圓形玻璃球裝著藍色的豉油。 唔記得問店員點解會係藍色， 但係就有種煙燻嘅味道， 比較枱面提供的豉油此款較為淡身更加特別 。
刺身包括:牡丹蝦，赤貝，三文魚，油甘魚，左口魚，赤身 。
估計從逆時針方向味道就由淡至濃。
每件刺身都厚切， 毫不掩飾它的橫切面。 先試吞拿魚赤身， 肉質柔軟而結實， 有淡淡魚香。
再來是左口魚， 味道清香，肉質結實， 魚味竟然比赤身更淡 。
輪到我至愛的油甘魚， 鮮味香甜， 厚切之下嘅口感更佳， 可以堪稱為油甘魚三文治。
三文魚味道鮮甜， 充滿魚油香， 絕對比坊間放題的三文魚刺身更高質素。
鮮赤貝刺身
10 瀏覽
0 讚好
0 留言
鮮赤貝刺身鮮甜程度更升一級， 完全冇貝類哪種腥味， 肉質爽脆， 個friend勁讚因為佢好鍾意食貝類刺身。
牡丹蝦
8 瀏覽
0 讚好
0 留言
壓軸係牡丹蝦， 睇見蝦頭嘅斑紋就知好嘢， 蝦肉又甜又鮮， 蝦頭有少許膏亦都很甘濃香甜，蘸上藍色豉油真係超級美味!
薄切白身魚沙律配柚子橄欖油醋汁
10 瀏覽
0 讚好
0 留言
薄切白身魚沙律配柚子橄欖油醋汁$118
這款刺身是另外點選。 店員說這款白身魚都是油金魚， 味道清新， 肉質細緻，配上柚子橄欖油醋汁的沙律菜， 健康又美味的一款刺身。
拖羅豪華卷
11 瀏覽
0 讚好
0 留言
拖羅豪華卷 $158
除咗自選刺身我哋仲揀咗這款特色 卷。 拖羅魚蓉幼滑鮮甜， 鋪上的白芝麻和香蔥同吃， 滋味非常。 拖羅蓉滲入淡淡的麻油香， 配合卷饭吃好滿足。
黑鱈魚蟹膏燒
5 瀏覽
0 讚好
0 留言
黑鱈魚蟹膏燒
用上了黑鱈魚， 依然和黑嘅主題有關， 很有心思。 黑鱈魚比銀鱈魚 魚味更濃更香甜。 難得再把香濃嘅蟹膏鋪在魚皮面上同燒， 更添惹味!
雜錦天婦羅
10 瀏覽
0 讚好
0 留言
7 瀏覽
0 讚好
0 留言
雜錦天婦羅
連一款普通天婦羅都有驚喜位。 就係那隻超巨型天婦羅蝦， 蝦肉爽彈而鮮甜， 咬開竟然選用了虎蝦? 真係豪華版天婦羅。 天婦羅番薯也非常香甜, 炸漿香脆而唔油膩。
黑松露炒黑豚肉石鍋飯
9 瀏覽
0 讚好
0 留言
黑松露炒黑豚肉石鍋飯
有心思嘅 菜單繼續選用"黑"材料。
熱石鍋 發出滋滋的聲音， 加上黑松露香氣撲鼻的味道， 令人非常期待。 黑豚肉爽嫩配合惹味醬汁和熱窩中的飯甘香軟熟， 亦可自製飯焦， 美味又暖胃的料理。
手工甜品 -北海道牛乳布丁
5 瀏覽
0 讚好
0 留言
手工甜品 -北海道牛乳布丁
滑溜溜的布甸， 有濃香的牛奶味， 唔会過甜。再加上黑芝麻醬， 繼續營造黑的型格。 上面再鋪上耀眼的金箔，更顯矜貴。
以為個二人餐唔夠食， 原來份量設計得剛剛好。其它單點食物雖有點貴又精巧，不過真係畀到好嘢你食， 加上有心思嘅菜單， 請朋友食飯真係冇得輸。
張貼
