影片
更多
2010-06-05
164 瀏覽
其實之前我生日已經想黎呢度，可惜果日落雨冇黎到，咁岩女友今日放假，朝早起身見天氣超好，於是決定去昂平360跟住再入愉景灣食飯。Book 咗枱1900，可能星期二人唔多啦，1900入到去坐低映下相，再睇下個Wine List，居然發現有NZ既Scared Hill Sau Blanc，仲可以一杯杯叫，即刻叫咗杯黎飲，女友就叫咗杯Cosmopolitan，再慢慢睇下個Menu，都仲未有人催你落單，唔錯唔錯～Order 完都成1945，個Starter上果時岩岩放煙花，食住睇又真係唔錯～環境：我地坐外面，果日唔太熱有D風幾舒服。不過本人認為有少少暗得滯，有時連自己食緊乜都睇唔到，好似浪費咗個賣相，如果再光返少少可能會好D。坐得外面可能會有昆蟲我諗唔駛我提醒大家啦。服務：有個老細既物體好熱情咁招呼我哋，但咁大既地方真係唔係好夠人，有時要周圍搵人，等一陣先見到有Waiter出現，D Waiter既服務態度都OK，未去到話熱情，不過都有做足要做既，冇其他食評寫得咁差喎，可能我果日閒日冇咁忙掛。食物：飲料Scared Hill Sauvignon Blanc (New Zealand) (HK$70
Book 咗枱1900，可能星期二人唔多啦，1900入到去坐低映下相，再睇下個Wine List，居然發現有NZ既Scared Hill Sau Blanc，仲可以一杯杯叫，即刻叫咗杯黎飲，女友就叫咗杯Cosmopolitan，再慢慢睇下個Menu，都仲未有人催你落單，唔錯唔錯～
Order 完都成1945，個Starter上果時岩岩放煙花，食住睇又真係唔錯～
環境：
我地坐外面，果日唔太熱有D風幾舒服。不過本人認為有少少暗得滯，有時連自己食緊乜都睇唔到，好似浪費咗個賣相，如果再光返少少可能會好D。坐得外面可能會有昆蟲我諗唔駛我提醒大家啦。
服務：
有個老細既物體好熱情咁招呼我哋，但咁大既地方真係唔係好夠人，有時要周圍搵人，等一陣先見到有Waiter出現，D Waiter既服務態度都OK，未去到話熱情，不過都有做足要做既，冇其他食評寫得咁差喎，可能我果日閒日冇咁忙掛。
食物：
飲料
Scared Hill Sauvignon Blanc (New Zealand) (HK$70 / Glass)
呢隻酒好香，以前都會買返屋企飲。
Cosmopolitan (HK$60)
女友話略甜，可以唔駛咁甜。
前菜
New Zealand Mussels in Alio-Olio Pepper Sauce (HK$95)
D青口好似一早煮熟咗，跟住再放返落去煮二下就上碟咁。D青口完全唔入未，老老實實，我係屋企煮都好食過佢。不過個汁幾好味。
主菜
Beef Tenderloin (Medium Cooked) (HK$195)
雖然唔係好靚好高質果Ｄ牛扒，牛味不算太濃郁，但收你200蚊你想要乜Grade?雖然牛扒一般，但個廚師真係煮得好好味，塊扒超級Juicy同好香，非常好味！我極力推介！
Chicken Fajitas (HK$120)
D雞肉炒得好嫩好入味，我當初仲諗住會好孩口添，真係有D驚喜，同埋好少見到有得食。
甜品
Chocolate Pudding (HK$55)
朱古力味好香渨，口感好滑。個心一界開D朱古力熱辣辣咁流出黎，再混埋D冷冰冰既雲呢拿雪糕，超正。
整體：
其實以呢個價錢，個環境、食物質素和服務黎比，我覺得都真係叫做幾平啦，起碼我比得開心先，我相信我有時間會再黎。
張貼
