煮打菜打冷小菜館 (已結業)

好耐無食打冷啦，今晩好想搵間同老公撐下枱腳。好友推薦筲箕灣既 「 煮打菜打冷小菜館 」，話好好味，我上網睇食評又確係唔錯，所以尊登同老公坐車去筲箕灣試下。晚上7 點零去到，已經有唔少食客，睇嚟真係冇揀錯地方！其實打冷有好多特式野食，但今晚得我同老公2 個，只可精挑細選幾款小菜。滷水拼盤同蠔餅當然唔少得，再加個蒜蓉牛油蜆就夠哂「 滷水拼盤 （小）」$82， 相當豐富，包羅萬有：有墨魚、腩肉、紅腸、生腸、大腸、鵝腸、豬耳，腎。全部都好爽口，尤其墨魚口感最佳！！「 潮式爆花蠔餅 」$88， 金黃色既蠔餅放係小煎plan 上枱，別具特色。猶如其名，蠔餅好似盛花咁爆開，賣相吸引！咁味道又如何呢？非常酥脆可口！蛋漿同蠔既比例很好，每一啖都食到蠔，而且每隻蠔都非常非常大隻，相當有蠔味，十分抵食！「 蒜蓉牛油蜆 」$88， 有驚喜！極香蒜蓉、洋蔥同蔥味，好惹味！又係大大隻蜆，好新鮮，無沙，d 汁餸飯一流！係一間好值得推介，好有誠意既餐廳 ！