鍋心粥底火鍋 (積存街) (已結業)

開始涼涼地，又係時候打邊爐喇！早排貼Honey去大圍食麵時見到鍋心粥底火鍋好似好正咁，嗰時Honey已經話下次要試吓，所以今次一講打邊爐就二話不說嚟呢到試吓。由於係即慶關係，所以我地無訂枱，原來無訂枱嘅話係有風險架，事關呢到嘅枱唔算多，而每一段嘅時間都好爆，因為有食過嘅食客都一定會預先訂枱，所以一路等一路都擔心之前訂咗枱嘅人都到齊，咁我地就食唔到...不過好彩我地係後補第一個，所以最終都有得安排我地入去食。呢到個就唔使諗要選擇咩湯底，因為只有粥底一款，而海鮮就可以自選五款，其他火鍋配料就可以選擇八款，以$200仲要唔加一嚟講，真係好豐富。肉蟹、北寄貝好鮮甜大尾魷好爽口蝦夠新鮮彈牙自家製嘅手打雞軟骨丸好好味蠔就細咗些少食完哂所有火鍋料後，就有職員幫我地整個粥，粥底吸收哂之前嘅海鮮精華，好好味叫埋野飲埋單都係$438兩個人，真係抵食過好多所謂任食火鍋呀！