影片
更多
2023-03-18
997 瀏覽
串燒選擇極多！泰、日、港、韓、台、川、西、新疆，基本上你講得岀嘅款式佢地都有！除左提燈等刁鑽部位，佢地仲有多款自家創作嘅特色串燒：雞皮墨魚滑、鹹蛋黄豬大腸、黑蒜牛舌法蔥卷等~ 當日有Sapporo Premium Draft買一送一！當然仲有highball、梅酒、果汁酒等供選擇。估唔到平日夜晚黎都滿座，大家想食最好預先book位啦！基本上點嗌都無伏，以下推介幾款值得試下嘅比大家~✨必食✨✨豚肉節瓜波板糖 (附月見) $38本身以為成舊豚肉一定好實好濟，點知原來係將豚肉夾埋切到好薄既節瓜捲起再燒！口感比想像中軟腍得多，節瓜存在感無想像中咁高，偶爾會增添左少少爽脆口感，毫不違和。肉味夠重，燒得夠香，食落又無平時嘅咁膩咁濟！👍🏿私心推介👍🏿👍🏿雞皮墨魚滑 $38雞皮薄脆香口，墨魚滑彈牙，滿口油香，極之邪惡，唯獨墨魚味唔算好重。👍🏿焦糖青蘋果鴨肝多士 $88鴨肝比想像大得多！一咬超爆汁，口感嫩滑，脂香滿溢。配埋香甜爽脆嘅蘋果、烘得超香脆嘅法包、偶添鹹香嘅芝士粒，食落好滿足之餘，又唔會太油膩~ 整個多士偏甜，如果可以鹹香少少就再balanced啲~👍🏿鹽燒豚肉荔枝卷 $22呀妹本身超鍾意食豚肉
基本上點嗌都無伏，以下推介幾款值得試下嘅比大家~
✨必食✨
✨豚肉節瓜波板糖 (附月見) $38
本身以為成舊豚肉一定好實好濟，點知原來係將豚肉夾埋切到好薄既節瓜捲起再燒！口感比想像中軟腍得多，節瓜存在感無想像中咁高，偶爾會增添左少少爽脆口感，毫不違和。肉味夠重，燒得夠香，食落又無平時嘅咁膩咁濟！
👍🏿私心推介👍🏿
👍🏿雞皮墨魚滑 $38
雞皮薄脆香口，墨魚滑彈牙，滿口油香，極之邪惡，唯獨墨魚味唔算好重。
👍🏿焦糖青蘋果鴨肝多士 $88
鴨肝比想像大得多！一咬超爆汁，口感嫩滑，脂香滿溢。配埋香甜爽脆嘅蘋果、烘得超香脆嘅法包、偶添鹹香嘅芝士粒，食落好滿足之餘，又唔會太油膩~ 整個多士偏甜，如果可以鹹香少少就再balanced啲~
👍🏿鹽燒豚肉荔枝卷 $22
呀妹本身超鍾意食豚肉草莓卷！今次一嚐豚肉荔枝卷，估唔到係完全截然不同嘅感覺。鹹香嘅豚肉包住清甜多汁嘅荔枝，果香突岀之餘不失油香，幾清新喎~
👍🏿鹽燒A4宮崎和牛 $58
和牛軟腍juicy，肥膏位入口即化，幾有油香~
👍🏿鹽燒白鱔 $48
白鱔好厚肉，皮脆肉軟滑彈，唔乾唔腥，無加醬汁都幾好食~
😈罕見之選😈
🐣鹽燒阿波尾七里香 $22
🐣汁燒鮮雞肝 $28
🐣鹽燒赤雞頸肉 $22
🐣汁燒赤雞心 $22
🐣提燈 $38
七里香其實係雞patpat，外皮微酥脆，好多肥膏軟滑多汁。雞肝稠滑，毫不腥臭。雞頸柔軟，富油香。雞心軟彈有咬口，好多汁。
見到提燈呢個刁鑽部位又點可以唔試下！提燈由母雞嘅輸卵管同未成熟未有蛋殼嘅蛋黃組成。串燒帶焦香嘅同時，蛋黃保持同半熟嘅狀態，肉質有咬口，唔講係輸卵管其實都食唔岀
🐮新鮮手切牛胸爽 $28
牛胸爽打邊爐就食得多，碌一碌口感好爽脆。燒完之後成個口感唔同左，好似一塊炸左嘅肥膏，油香十足~
🔥明太子准山燒 $26
准山爽脆輕盈，有少少滑潺潺嘅口感，加埋面頭嘅明太子醬，微辣惹味。
張貼
