芭堤雅泰國餐館

營業中

休息中

好耐冇寫食評了，今日同老闆去元朗工作，唔知食乜好，客戶推介去芭堤雅食泰國菜，去到見門口放了一壺冰水及大量紙杯供客人等侯期間免費享用，已經覺得好窩心。到達時大約六點，未坐滿，職員提醒每枱限坐90分鐘，但可因應到時等候的客人情況酌情處理。因為我唔食辣，叫咗泰式炒雜菜，金不換炒金邊粉，招牌芭堤雅炒飯。食物上枱都算快，上菜時職員都會細心地話畀你聽落檸檬及魚露等要注意的事，雖然口味嘅嘢因人而異，但職員嘅溫馨提示令我哋感覺舒服。食物份量適中，味道唔會太鹹太濃，食完返到屋企亦唔會口乾。未夠七點已經好多人在等枱，但職員亦冇比壓力我哋，見佢哋咁友善，都希望佢哋做多轉生意，我哋亦識趣地盡快食完離開讓座。整體而言，是絕對值得回頭及推介的食肆。