鮨樂 (奧海城3期) (已結業)

每次同好姊妹相約dinner, 都離不開日本料理, 今晚就選擇了奧海城呢間連鎖日料 「鮨樂」, 之前係其他分店食過, 質素唔錯, 而且刺身、壽司款式選擇多, 所以成為我心目中其中一間值得encore嘅餐廳。餐廳環境開揚闊落, 檯與檯之間都有一定距離, 坐得舒服。【十貫豐州壽司御膳】HK$198定食配有蒸蛋、湯、沙律, 蒸蛋非常香滑, 入口即化, 入面仲有清甜蟹肉同埋蝦肉。壽司分別有赤身、池魚、油甘魚、墨魚、鯛魚、赤蝦、鮨樂玉子、太極卷, 每件壽司size都好精緻, 剛好一啖一件, 口感軟嫩有鮮香, 其中赤蝦仲好爽甜, 正!【香煎鵝肝配溫泉蛋】HK$138 (定食配有湯、沙律)鵝肝表面煎得微焦, 很有油脂香, 伴有充滿蛋汁嘅溫泉蛋, 撈埋一齊食, 令飯多一點濕滑。【吉列蝦飯卷】HK$55壽司飯包住了紫菜、吉列炸蝦, 整件入口仲食到吉列皮嘅香脆同埋蝦嘅爽口, 很有層次。【三文魚壽司盛盒】HK$108集合各款三文魚嘅組合壽司, 火炙過嘅三文魚帶點焦香同埋滲出些少魚油, 口感更為柔嫩有魚香; 另有三文魚壽司同埋卷物, 呢個盛盒絕對滿足三文魚腔嘅我。上面兩款定食跟甜品, 為雲呢拿雪糕。