影片
更多
2022-01-21
354 瀏覽
先講總結，呢間係值得encore既鐵板燒。今次試左lunch，以食物質素同服務來講，係非常抵食。小店開左半年左右，店內只有十餘個座位。坦白講係疫情期間開店，係需要有一定嘅勇氣。最近仲禁埋晚市。一路食嘢，睇得出店主對細節位都好重視，除咗食物嘅美味，亦都食得出店主店員既用心。提提大家，要預多少少時間黎品嚐呢餐鐵板燒，兩個鐘走唔甩。言歸正傳，講最重要既食物。今次係食午市既一人套餐。前菜係由Parma ham包住露荀，配上香印提子、哈密瓜同車厘茄。店員提醒先食生果，再食味道重一點既Parma ham。配搭好好，係名副其實嘅開胃菜。接住落嚟開始食海鮮。首先有白甘鯛伴明太子醬。超喜歡脆身既鱗片，為軟嫩既魚肉加多一層口感。醬汁好味之餘又唔會蓋過魚既鮮味。然後有配上瑤柱醬既南非鮑魚。好特別的配搭。未煮之前睇住新鮮嘅鮑魚係碟上「跳舞」已經好期待。結果食落口完全不會失望，鮑魚鮮味十足之餘亦唔會太實。鵝肝配焦糖多士加上黑醋，可以平衡味道，不會太油膩。而鵝肝係入口即溶嘅質素。呢碟菜再配上一片水晶梨，食完鵝肝再食可以清一清口內既味道。然後肉類選了美國封門柳，牛的肉質比較嫩滑。配上山葵醬同昆布一齊吃，都幾有新鮮感
今次試左lunch，以食物質素同服務來講，係非常抵食。小店開左半年左右，店內只有十餘個座位。坦白講係疫情期間開店，係需要有一定嘅勇氣。最近仲禁埋晚市。一路食嘢，睇得出店主對細節位都好重視，除咗食物嘅美味，亦都食得出店主店員既用心。
提提大家，要預多少少時間黎品嚐呢餐鐵板燒，兩個鐘走唔甩。
言歸正傳，講最重要既食物。
今次係食午市既一人套餐。前菜係由Parma ham包住露荀，配上香印提子、哈密瓜同車厘茄。店員提醒先食生果，再食味道重一點既Parma ham。配搭好好，係名副其實嘅開胃菜。
白甘鯛
6 瀏覽
1 讚好
0 留言
接住落嚟開始食海鮮。首先有白甘鯛伴明太子醬。超喜歡脆身既鱗片，為軟嫩既魚肉加多一層口感。醬汁好味之餘又唔會蓋過魚既鮮味。
南非鮑魚
6 瀏覽
0 讚好
0 留言
然後有配上瑤柱醬既南非鮑魚。好特別的配搭。未煮之前睇住新鮮嘅鮑魚係碟上「跳舞」已經好期待。結果食落口完全不會失望，鮑魚鮮味十足之餘亦唔會太實。
鵝肝配焦糖多士加上黑醋，可以平衡味道，不會太油膩。而鵝肝係入口即溶嘅質素。呢碟菜再配上一片水晶梨，食完鵝肝再食可以清一清口內既味道。
然後肉類選了美國封門柳，牛的肉質比較嫩滑。配上山葵醬同昆布一齊吃，都幾有新鮮感。
看次簡單嘅一份炒飯，都做得非常出色。忍不住要了大份一點既炒飯，慢慢食食下都清哂。另外仲有麵豉湯。咁樣既presentation真係未見過，朋友仲話用呢種容器比起平時用既更容易打開個蓋。麵豉湯亦都絕不馬虎，非常之清甜。
芝士雪糕
10 瀏覽
0 讚好
0 留言
黎到呢餐飯嘅尾聲，有兩個飯後甜品。雪糕有四隻味可以選擇，我選了較少見嘅芝士味。連雪糕都好新鮮，有自家製既味道。最後再食埋井字型既焦糖多士，十分滿足。
張貼
