影片
更多
2022-12-27
117 瀏覽
依間bookmark左好耐，經常性都full booking，今次提早成個月終於book到。冇錯，佢就係位於元朗嘅元祖級omakase《壽司之神》，我地係一個平日既中午去食，無諗過都係滿座，可見佢受歡迎嘅程度有幾高，位置唔多，但當日都有三個師傅，各自負責自己嘅客人，見我哋食完一道就馬上安排另一道菜，整體來講都是omakase 的不錯選擇，位置雖然位於元朗，但絕對值得去一試！好多菜式都火炙，亦都有特別部位，較為出色或者我自己比較鍾意既有吞拿魚手卷，吞拿魚鮫，右口魚邊 ，吞手魚腦天等！Lunch set總共有3個級數，我就揀左特上お任せ膳 $780前菜首先前菜有和風沙律、水雲醋物同埋松露蒸蛋。最特別一定係水雲醋物，口感有啲似昆布，酸度剛剛好。刺身4品兵庫縣真蠔兵庫縣出產蠔味較濃，蠔身飽滿又鮮甜。加入金箔同埋酸汁啫喱，矜貴又帶鮮味。赤貝赤貝色澤紅潤亮麗好鮮甜，有爽滑彈牙口感中間較軟滑火炙鱈魚白子平時食開都係生食，佢地就加左日式醬汁再火炙，外層會有焦香味，內層又有忌廉奶油口感。鰤魚魚味同埋油份比較重嘅魚類，微微火炙一下，魚皮下面嘅魚脂會散發出嚟，，另外再放上柚子胡椒，帶少少辛辣嘅感覺。料理1品
Lunch set總共有3個級數，我就揀左特上お任せ膳 $780
前菜
首先前菜有和風沙律、水雲醋物同埋松露蒸蛋。最特別一定係水雲醋物，口感有啲似昆布，酸度剛剛好。
刺身4品
兵庫縣真蠔
兵庫縣出產蠔味較濃，蠔身飽滿又鮮甜。加入金箔同埋酸汁啫喱，矜貴又帶鮮味。
赤貝
赤貝色澤紅潤亮麗好鮮甜，有爽滑彈牙口感中間較軟滑
火炙鱈魚白子
平時食開都係生食，佢地就加左日式醬汁再火炙，外層會有焦香味，內層又有忌廉奶油口感。
鰤魚
魚味同埋油份比較重嘅魚類，微微火炙一下，魚皮下面嘅魚脂會散發出嚟，，另外再放上柚子胡椒，帶少少辛辣嘅感覺。
料理1品
汁煮吞拿魚鮫
用左日式豉油、味醂、糖連埋魚鱗同埋魚骨一齊煮。食戈時好輕易就可以分開魚肉，食落甜甜地。因為魚脂多，入口軟腍。
寿司8貫
北海道帆立貝
顏色雪白，上面加入岩鹽同埋柚子皮，食落非常鮮甜。
深海池魚
輕輕火炙，魚脂同埋魚肉味都比較濃。
鮫鰈魚
師傳特別切開魚邊火炙再加埋之前嘅鮫鰈魚一齊食，兩種味道好豐富。
甜蝦
甜蝦上面塗上蝦醬，蝦醬用左蝦頭蝦殼煮成，鮮味瞬間提升。
吞拿魚手卷
同時間用左中拖羅同埋醬油漬赤身，兩者有互補嘅作用。因為赤身油份唔多，但中拖羅就油脂豐富，真係一個好巧妙嘅設計。
大拖羅
用左產量稀少嘅蛇腹，加入岩鹽同埋檸檬汁 ，入口即溶，同時檸檬汁可以減低油膩感，食落好清爽。
吞手魚腦天
又係另一個稀少嘅部位，一條吞拿魚得一小塊係個頭上面。用左火炙嘅方式，油脂味極濃又入口即溶。
右口魚邊
先用醬油輕微醃製，再用火槍長時間炙燒，期間釋出大量嘅魚鮨，係味道相對較濃嘅壽司。相對來講比左口魚更加多油脂！滴晒油咁勁香！
海膽三文魚籽丼
海膽非常鮮甜份量亦都很多，三文魚籽經過醃漬，海水嘅咸香味會升級，整體鮮甜。
麵豉湯
甜品
是日甜品係柚子啫喱，食落清新又解膩，好滿足嘅一餐。
✨人均780午市
如果唔想錯過其他好介紹，記得follow我呀😘
多謝大家！！！
♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝ ⃝♡⃝♡⃝♡⃝♡⃝♡⃝
張貼
