Ruby Tuesday (已結業)

去年底重臨Ruby Tuesday後，見佢會費平左，野食仲係好高質，所以即刻申請左做一年會員，我諗之後都應該會經常黎，哈哈。其實做左會員之後，價錢即刻合理番好多，而呢度的而且確好多野都岩食，酒水唔貴，人少人多都岩過黎。而尖沙咀呢間位置方便，不過一定要預早訂位，今次收工過黎，因為無訂到位，最後都要等左半個鐘先入得。今次揀左個蟹餅同炸蝦，每人叫左一杯野飲。蟹餅同炸蝦都好高質，成個蟹餅都係蟹肉，好足料。炸蝦就好大隻，同個汁好夾。