杞醉

營業中

休息中

呢排收工都好夜，淨係想返屋企嗱嗱臨食飯沖涼瞓覺，連出街食飯嘅氣力都冇(˶‾᷄ ⁻̫ ‾᷅˵) 而呢一間小店餸菜都相當開胃，而且款式眾多，岩哂我唔想煮飯，忍唔住買返幾樣花雕杞子嘅醉人小食加下料！✨杞醉系列杞醉花甲呢盤真係大力推薦，花甲清洗得乾淨，食落鮮甜，更加附有一支額外嘅枸杞汁俾你自己淋落去！杞醉系列仲有半熟蛋同無骨雞，雞蛋做到半流心嘅效果，蛋黃骨紅色的，明顯用咗蘭王嘅蛋，而外皮亦浸得相當入味；無骨雞肉價錢合宜，食落都幾嫩滑！✨杞腐系列雞翼真係勁好送飯！而且小店建議我用微波爐翻熱，用微暖嘅温度入口確係惹味，而且隻隻都好肥大，啖啖肉～✨杞辣系列外辣之人當然要試埋帶有辣度嘅小食！蓮藕爽脆，咬落口感極好，辣度適中好岩加碗湯麵