古味坊 (已結業)

今日去元朗探朋友， 本來想買少少伴手禮上佢屋企，就算幾熟都好都唔想兩手空空！ ，諗極都諗唔到買乜即是我聞到一股窿窿嘅香氣飄過。。。。。原來呢度有間新開嘅古早蛋糕店， 通常啲古早蛋糕店都會set一個時間出一隻味道， 欣賞呢度佢一次過可以有幾款畀客人揀！ 要試真功夫， 當然要選原味啦！原味古早蛋糕主要成分係雞蛋、 麵粉、牛奶、植物油和砂糖，店主話佢地用每日新鮮直送嘅湖北蛋整，我覺得依個古早蛋糕食落鬆化，好夠濕而且軟身，入口好夠彈性，原味有嘅係蛋香，絕對唔甜，蛋香味突出！芝士咸蛋黃味係我買左嘅三個味道中最突出，兩者無搶到大家嘅味道，芝士有拉絲效果加上起起沙嘅咸蛋黃，熱辣辣食仲有流心效果，唔會好膩，剛剛好！最後就係茶香四溢加蛋香十蛋嘅雙色蛋糕，抹茶味清香減淡油膩感，唔鍾意芝士嘅朋友，可以試下依款！ 另外仲有黑糖同黑白配味可供選購。由於佢地方較大，員工又足夠，佢哋動作快，唔洗等好耐就買到，大家不妨試下！