蘇媽.蘇媽馬來西亞茶餐室

營業中

休息中

前排聽過朋友講蘇媽 ﹒蘇媽嘅肉骨茶好好味，而且係無限添飲。之前我同男朋友已經想試，但每次經過蘇媽 ﹒蘇媽門口，都有好多人等緊位，所以每一次都冇去試到。見今個星期氣溫終於凍凍地，好適合飲下熱辣辣嘅肉骨茶補下身，所以我同男朋友決定今日去e度食晚飯。由拎飛計起，我地等左三十五分鐘度終於可以安排入座，原來又冇想像中要等咁耐蘇媽 ﹒蘇媽係一間主打馬來西亞菜式嘅餐廳，佢嘅招牌菜有「辣死你嗎」配仁噹牛肉/雞肉同埋老鼠粉。我地叫左個「辣死你嗎」配仁噹牛肉，檳城亞參喇沙米線同埋豬腳灣肉骨茶。本身我地想叫大骨肉骨茶，但係有好多款肉骨茶已經賣晒，所以唯有下一次再試啦。「辣死你嗎」係馬拉話椰漿飯嘅諧音，椰漿飯加埋6 款配菜包括乾魚仔、花生、參巴醬、咖喱雞等一齊食，十分野味另外，個喇沙米線同我想像中唔一樣，原來佢用左魚去煮個湯底，係比較清爽嘅味道，跟平時用蝦煮出黎嘅喇沙唔一樣，有驚喜。最後當然唔少得，要講下個肉骨茶啦，湯底濃郁藥材味比較重，味道很好，我地仲添飲左三次今晚真係大滿足！